Association for Homeschooling

ONS GEMEENSKAPLIKE HISTORIESE ERFENIS

DIE BASIS VIR 'N SPRONG NA DIE TOEKOMS

Ons volk bevind hom tans in ‘n voortbestaanskrisis, gekenmerk deur grootskaalse verwarring en koersloosheid. Vir baie lyk asof daar geen uitweg uit die huidige staat van verslaafdheid en vernedering is nie. Dit hoef ons egter nie in wanhoop te laat verval nie.  Ons het ‘n historiese erfenis wat aan ons ‘n vaste, veilige en kragtige basis vir ‘n sprong na die toekoms bied.  Ons geskiedenis lewer die getuienis van

-       die wonderbaarlike ingrype van 'n Almagtige God om ons volk uit doodsgevare te red,

-       manne en vroue wat deur hulle gelowige en verbeeldingryke dade vir ons 'n land aan die wildernis, barbarisme en imperialisme ontruk het,

-       die beginsels waarop ons volkslewe gebou is en wat van ons 'n sterk en gerespekteerde volk gemaak het,

-       die wyse waarop ons voorouers uitdagings en bedreigings hanteer het en waaruit ons baie kan leer.

‘N VIERING VAN ONS GESKIEDENIS EN ‘N VISIE VIR DIE TOEKOMS

Die bemagtiging van die kennis van ons geskiedenis kan weer in ons harte geloof in die God van ons vaders bewerk, helderheid van insig bring en hoop op die toekoms gee. Ons volk moet weer sy geskiedenis leer ken en met die oog daarop het die Instituut vir Geskiedenis en Kultuur en Suidland Media 'n historiese inligtingsaand gereël.  Die doel daarvan is om verskaffers en gebruikers van historiese inligting bymekaar te bring.  Suidland Media sal sy reeks van ±70 historiese DVD’s en CD’s bekendstel en te koop aanbied.  Verskeie uitgewers en filmvervaardigers sal hulle historiese boeke en DVD’s vertoon en te koop aanbied.  Instansies wat betrokke is by die bevordering van ons geskiedenis sal hulle aktiwiteite bekendstel en historici en skrywers van geskiedkundige boeke sal ook genooi word om daar te wees.

“BRING BYMEKAAR WAT UIT INNERLIKE OORTUIGING BYMEKAAR HOORT”

Met hierdie woorde het wyle Dr. DF Malan die grondslag gelê vir die volkseenheid wat in 1961 uiteindelik op ‘n eie republiek uitgeloop het.  Ons geskiedenis bied ‘n grondslag vir ware volkseenheid en daarom wil ons alle Boere/Afrikaners met ‘n belangstelling in en liefde vir ons geskiedenis met hierdie woorde nooi om ons geleentheid by te woon.  Ouers vir wie dit belangrik is dat hulle kinders die ware feite van die geskiedenis leer, studente, skoliere, geskiedenisonderwysers en verskaffers van tuisonderrig behoort in besonder baat by die geleentheid te vind.  Vir diegene met ‘n passie vir die bewaring en uitbouing van ons historiese erfenis sal dit ‘n geleentheid wees om mede-volksgenote met ‘n soortgelyke passie te ontmoet en gedagtes te wissel oor die uitlewing van hulle gemeenskaplike belangstelling.  Die byeenkoms het geen politieke doelstellings of agenda nie.

NAVRAE EN INLIGTING

·      Navrae kan gerig word aan: 

-       Meinhard Peters  by meinhard.peters@gmail.com / 082 – 921 9706

-       Frikkie Strauss by  toekoms@suidland.net / 082 – 493 3785

·      Verdere inligting oor die program, DVD’s en CD’s wat deur Suidland Media versprei word en geskiedkundige boeke van verskeie uitgewers kan verkry word op www.suidland.com.

Nota:  Suidland Media en Die Suidlanders is twee verskillende instansies wat op verskillende terreine van die volkslewe opereer.

Kliek hier om die pryslys af te laai.

Kliek hier om die pryslys af te laai.